Gənclər arasında daha çox xanımlar boşanmaq istəyir

Ötən il 15-29 yaşlı qadınlar tərəfindən doğulan uşaqların sayı 115,5 min nəfər olub və bütövlükdə doğulan körpələrin 80,2 faizi gənc anaların payına düşüb.

Metbuat.az xəbər verir ki, bu barədə Dövlət Statistika Komitəsinin məlumatında qeyd edilib.

Məlumatda bildirilib ki, ötən il ölkədə nikaha daxil olanların 77,9 faizini gənclər təşkil edib. İlk dəfə nikaha daxil olan kişilərin orta yaşı 27,6, qadınların isə 23,7-dir. Boşananlar arasında gənc kişilərin xüsusi çəkisi 24,2 faiz, qadınların isə 44,3 faiz təşkil edir.

Ümumilikdə ölkə əhalisinin 2,5 milyon nəfərini və ya 25,5 faizini gənclər təşkil edir. Gənclərin 50,6 faizi şəhər yerlərində, 49,4 faizi isə kənd yerlərində yaşayır. Gənclərin 48,3 faizini qadınlar təşkil edir.

Qeyd edək ki, cari ilin ilk yarısında 27 min 525 nikah və 7 min 219 boşanma halları qeydə alınıb və əhalinin hər 1000 nəfərinə nikahların sayı 5,7, boşanmaların sayı isə 1,5 olub.

Sabah hava belə olacaq - Proqnoz açıqlandı - Oxumaq üçün tıkla


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR