Ermənistanın polisi Gümrüdə 6 nəfərlik ailənin qətli yerindən görüntülər yayıb.
ANS PRESS xəbər verir ki, erməni polis ailənin 6 üzvünün səhər tezdən öldürüldüyünü açıqlayıb. Cinayətin törədilməsində şübhəli bilinən Rusiya bazasının hərbi qulluqçusu Valeri Permyakovun axtarışları davam edir.
6 nəfərin qətlə yetirildiyi yerdə şübhəlinin hərbi forması, avtomat, süngü-bıçaq, 21 güllə gilizi və iki boş avtamat darağı aşkar edilib. Ermənistan Polisinin səlahiyyətlisi Unan Poqosyan təlaşa ehtiyyac olmadığını bildirib:
"Bizdə onda silah olduğu haqda məlumat yoxdur. Çox güman ehtimala görə, yoxdur, bir halda ki, o silahı hadisə yerində atıb və qaçıb. Vətəndaşlara təlaşa düşmək lazım deyildir, amma ayıq olmaq lazımdır".
O, əlavə edib ki, polis 102-ci hərbi bazanın komandanlığı ilə əməkdaşlıq edir.
