Ermənistanın Gümrü şəhərində bir ailəni qətlə yetirməkdə şübhəli bilinən rusiyalı hərbçi Valeri Permyakov yaxalanıb.
APA-nın Ermənistan mətbuatına istinadən verdiyi xəbərə görə, V.Permyakov Ermənistan-Türkiyə sərhədində, Bayandur kəndi yaxınlığında tutulub.
Ermənistanın hüquq-mühafizə orqanları rusiyalı hərbçinin saxlandığını təsdiqləyib.
Məlum olduğu kimi, yanvarın 12-də Gümrü şəhərində Avetisyanlar ailəsi güllələnib. Ölənlər arasında 2 yaşlı körpənin olduğu da bildirilir. Daha bir uşaq hazırda reanimasiyadadır. Cinayəti törətməkdə Gümrüdə yerləşən Rusiyaya məxsus 102-ci hərbi bazasının əsgəri Valeri Permyakov şübhəli bilinir.
