Play Store

Qadın güləşçilərimizin Avropa Oyunları öncəsi sınağı

Qadın güləşçilərimizin Avropa Oyunları öncəsi sınağı
12:58 23 Aprel 2015
22 İdman
Ölkə mətbuatı
A- A+

Azərbaycan, Bakı, 23 aprel /Trend, müxbir İlkin İzzət/

Qadın güləşçilərimiz Avropa Oyunları öncəsi növbəti sınaq qarşısına çıxacaqlar.

Azərbaycan Güləş Federasiyasından (AGF) Trend-ə verilən məlumata görə, 24-26 aprel 2015-ci il tarixdə Bolqarıstanın paytaxtı Sofiya şəhərində güləş üzrə böyüklər arasında Dan Kolov və Nikola Petrovun xatirəsinə beynəlxalq turnir keçiriləcək. 53-cü dəfə keçirilən turnirdə sərbəst və yunan-Roma güləşi üzər kişilər və sərbəst güləş üzrə qadınlar mübarizə aparır. Bu dəfəki turnirdə ölkəmizi qadın güləşçilərdən ibarət yığma komandanın üzvləri təmsil edəcək.

Aprelin 6-dan etibarən Bolqarıstanın Belmeken şəhərində təlim-məşq toplanışında olan yığmamız baş məşqçi Semyon Çterev və böyük məşqçi Konstantin Konorevin rəhbərliyi altında turnirdə iştirak edəcək. Heyətdə Mariya Stadnik (48 kq), Anjela Doroqan (53 kq), Nataliya Sinişin, Alyona Kolesnik (hər ikisi 55 kq), İrina Netreba (58 kq), Elis Monolova, Raqnetta Qurbanzadə (hər ikisi 63 kq), Nadya Muşka (69 kq), Gözəl Zutova və Səbirə Əliyeva (hər ikisi 75 kq) yer alıb.

Turnirin proqramına əsasən, aprelin 24-də 55, 60 və 69 kq, 25-də 48, 58 və 75 kq qadın güləşçilər mübarizə aparacaq. 53 və 63 kq çəkidə qadın güləşçilər isə turnirin son günündə yarışacaqlar.

Məqalə müəllifi ilə əlaqə ünvanı: agency@trend.az

Bizi Twitter-dən izləyin: @trend_az


Xəbərin orijinal ünvanı: http://az.trend.az/azerbaijan/sports/2387153.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR