Amerika Yəhudi İcmasının nümayəndəsi: Azərbaycan bütün dünya üçün nümunə ola bilər

Amerika Yəhudi İcmasının nümayəndəsi: Azərbaycan bütün dünya üçün nümunə ola bilər
15:08 23 Aprel 2015
25 Sosial
Ölkə mətbuatı
A- A+

Azərbaycan, Bakı, 23 aprel /Trend, müxbir İlkin İzzət/

Dini Qurumlarla İş üzrə Dövlət Komitəsinin (DQİDK) sədri Mübariz Qurbanlı Amerika Yəhudi İcmasının nümayəndəsi ilə görüşüb.

DQİDK-nın mətbuat xidmətindən Trend-ə verilən məlumata görə, aprelin 23-də Dövlət Komitəsinin sədri M.Qurbanlı Amerika Yəhudi İcmasının nümayəndəsi, hüquq müdafiəçisi Cary B.Lermanı qəbul edib. Görüşdə Bakı şəhəri Dağ yəhudiləri dini icmasının sədri Milix Yevdayev iştirak edib.

DQİDK sədri M.Qurbanlı qeyd edib ki, yəhudilərin Azərbaycanda məskunlaşmasının 2600 illik tarixi var: "Ölkəmizdə hər zaman yəhudilərə doğma münasibət bəslənilib və indiyə qədər də bu münasibət davam edir. Ölkəmizdə dini etiqad azadlığı tam təmin olunub, bütün dini konfessiyalara bərabər şərait yaradılıb. Digər konfessiya nümayəndələri kimi yəhudilər də öz ibadətlərini, dini ayinlərini sərbəst şəkildə yerinə yetirirlər. Azərbaycanda rəsmi dövlət qeydiyyatına alınmış altı yəhudi dini icması var və bu icmalara hər zaman diqqət və qayğı göstərilir”.

Ölkəmizə səfərindən məmnunluqla danışan Cary B.Lerman burada gördüyü iqtisadi inkişafı, eləcə də ölkəmizin tolerantlıq ənənələrini yüksək dəyərləndirib. O qeyd edib ki, Azərbaycanda olduğu müddətdə yəhudi icması, sinaqoqlarla yaxından tanış olmaq imkanı qazanıb. Azərbaycandakı dövlət-din münasibətlərini, tolerantlıq ənənələrini, yəhudi icmasına göstərilən yüksək qayğı və diqqəti xüsusi vurğulayan qonaq, bunun bütün dünya üçün nümunə ola biləcəyini bildirib.

Qarşılıqlı hörmət və səmimiyyət şəraitində keçən görüşün sonunda qonaq səmimi qəbula görə Dövlət Komitəsinin sədrinə təşəkkürünü bildirib.

Məqalə müəllifi ilə əlaqə ünvanı: agency@trend.az

Bizi Twitter-dən izləyin: @trend_az


Xəbərin orijinal ünvanı: http://az.trend.az/azerbaijan/society/2387209.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR