Şəmkir, 23 aprel, Samirə Allahverdiyeva, AZƏRTAC
“Shamkir Chess 2015” şahmat turnirinin iştirakçıları istirahət günündə keçirilən futbol turnirində güclərini sınayıblar.
AZƏRTAC xəbər verir ki, ilk yarımfinal görüşündə Azərbaycan jurnalistlərindən ibarət komanda yerli şahmatçıları 5:1 hesabı ilə məğlub edib. Finala vəsiqə uğrunda digər görüşdə isə dünya şahmatçıları “Shamkir Capital Group”a 1:7 hesabı ilə uduzublar.
Üçüncü yer uğrunda görüşdə dünya şahmatçıları 3:1 hesablı qələbə qazanıblar. Bu görüşdə uduzan Azərbaycan şahmatçıları dördüncü yeri tutublar.
Finalda Azərbaycan jurnalistlərinə 4:2 hesabı ilə qalib gələn “Shamkir Capital Group” turnirin əsas mükafatına sahib olub.