Obama: Bu konstruktiv addım deyil

Obama: Bu konstruktiv addım deyil
06:49 13 Yanvar 2015
195 Dünya
Ölkə mətbuatı
A- A+

ABŞ prezidenti Barak Obama Fələstinin Beynəlxalq Cinayət Məhkəməsinə qoşulmasını mənfi qiymətləndirib.

 

APA-nın İTAR-TASS agentliyinə istinadən verdiyi xəbərə görə, bu barədə ABŞ prezidenti İsrailin Baş naziri Benyamin Netanyahu ilə telefon danışığı zamanı bildirib.

 

“Prezident Obama ABŞ-ın mövqeyini bir daha təsdiqləyib. Fələstinin Beynəlxalq Cinayət Məhkəməsinə üzv olmağa hüququ yoxdur. Fələstin dövlət olmadığına görə bu quruma qoşula bilməz. Bu konstruktiv addım deyil,”, Ağ Evin məlumatında deyilir.

 

Məlum olduğu kimi, BMT-nin Baş katibi Pan Qi Mun Fələstinin aprelin 1-dən Beynəlxalq Cinayət Məhkəməsinə qoşulacağını bildirmişdi. Məhkəməyə üzvlük  Fələstinə İsrailə qarşı beynəlxalq məhkəmələrdə hərbi cinayətlərlə bağlı iddialar qaldırmağa imkan verəcək.

RƏYLƏR

BU KATEQORİYADAN DİGƏR XƏBƏRLƏR