Play Store

Nazirlik əməkdaşı qəza törətdi: yaralılar var

Nazirlik əməkdaşı qəza törətdi: yaralılar var
15:19 23 Aprel 2015
241 Ölkə
Ölkə mətbuatı
A- A+

Abşeron rayonunun Masazır qəsəbəsində yolu keçmək istəyən ata və onun qızını vuraraq hadisə yerindən qaçan sürücü saxlanılıb. Lent.az-ın "Report"a istinadən məlumatına görə, hadisə zamanı 1989-cu il təvəllüdlü Məmişov Zamin Əli oğlu idarə etdiyi "QAZ 31105" markalı avtomobillə yolu keçən Hüseynov Təyyar Abdul oğlu və onun qızı Abbasova Təzəgül Təyyar qızını vurub. Hadisədən sonra sürücü Z.Məmişov piyadalara yardım göstərmədən ərazidən yayınıb. Yaralı piyadalar isə hadisə şahidləri tərəfindən ağır vəziyyətdə xəstəxanaya çatdırılıb. Hadisədən bir neçə gün sonra qəza törədən Z.Məmişov könüllü olaraq polisə gələrək təslim olub və etdiyi qəzanı etiraf edib. Sürücü qəzadan sonra piyadalara yardım göstərmədən qaçmasını hadisə zamanı qorxması ilə əlaqələndirib. Qəza ilə bağlı Abşeron RPİ-də başlanan araşdırmalar davam etdirilir.

 

Qeyd edək ki, hadisəni törədən sürücü Z.Məmişov Təhsil Nazirliyində sürücü işləyir. O, qəza zamanı piyadaları nazirliyə məxsus xidməti avtomobillə vurub.


Xəbərin orijinal ünvanı: http://news.lent.az/news/200329

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR