İndoneziyada dalğıclar “AirAsia” sərnişin təyyarəsinin ikinci qara qutusunu dənizdən çıxartmağa nail olub.
ANS PRESS-in məlumatına görə, qəzaya uğrayan təyyarənin ikinci qara qutusu da elə birincisinin tapıldığı yerdə aşkarlanıb. Aviaqəzanın səbəblərini öyrənmək üçün əsas factor olan qara qutu paytaxt Cakartaya göndəriləcək.
Ağır dağıntılar altında qalmasına görə qurğunun sudan çıxarılmasının vaxt aldığı bildirilir.
Xatırladaq ki, “Airbus 320” dekabrın 28-də 162 sərnişinlə Yava dənizinin şimalında radardan itmişdi. Surabayadan Sinqapura istiqamət alan təyyarənin şərnişinlərinin yalnız 48-nin cəsədi aşkar edilib.
