Bakı - APA. Aprelin 24-də Bakının Sabunçu rayonunda yerləşən Bakı Olimpiya Stadionunda Fövqəladə Hallar Nazirliyinin (FHN) canlı qüvvə və texnikalarının iştirakı ilə təlim-məşq keçiriləcək.
FHN-in mətbuat xidmətindən APA-ya verilən məlumata görə, təlim-məşqin keçirilməsində əsas məqsəd Milli Stadionda keçiriləcək kütləvi idman tədbirləri zamanı mümkün fövqəladə halların qarşısının vaxtında alınması və nəticələrinin çevik şəkildə aradan qaldırılması üçün şəxsi heyətin peşəkarlığının daha da artırılmasıdır.