Bakı, 23 aprel, AZƏRTAC
ABŞ-ın Kanzas ştatının keçmiş senatoru Kris Ştayneger Bakı Dövlət Universitetində (BDU) olub.
BDU-dan AZƏRTAC-a bildiriblər ki, K.Ştayneger universitetin beynəlxalq münasibətlər və iqtisadiyyat fakültəsinin tələbələrinə siyasi fəaliyyəti və senator olduğu müddətdə qazandığı təcrübə ilə bağlı mühazirə oxuyub. Daha sonra ABŞ-ın son zamanlar həyata keçirdiyi xarici siyasət, Yaxın Şərqdə vəziyyət, ABŞ-Azərbaycan münasibətləri barədə fikir mübadiləsi aparılıb.
ABŞ Dövlət Departamentinin təşkil etdiyi "Natiqlər proqramı" layihəsi çərçivəsində bu ölkənin görkəmli mütəxəssis və alimləri davamlı olaraq Azərbaycanın ali məktəblərində mühazirə üçün dəvət edilirlər.