Şəmkir, 23 aprel, Samirə Allahverdiyeva, AZƏRTAC
Vüqar Həşimovun xatirəsinə həsr olunan “Shamkir Chess 2015” turnirində iştirak edən sabiq dünya çempionu Vladimir Kramnik hakimlərdən üzr istəyib.
AZƏRTAC xəbər verir ki, rusiyalı şahmatçı turnirin beşinci turunda azərbaycanlı qrossmeyster Şəhriyar Məmmədyarova məğlubiyyətdən sonra mətbuat konfransına gəlmədiyinə görə təəssüfləndiyini bildirib. O, həmin gün 7 saata yaxın mübarizə apardığına görə yorulduğunu söyləyib.
V.Kramnik turnirin son turlarında təşkil olunacaq mətbuat konfranslarında iştirak edəcəyini deyib.