Bakı, 23 aprel, AZƏRTAC
ABŞ-ın 2015-ci ilin yanvar ayında Pakistan-Əfqanıstan sərhədində “Əl-Qaidə” qruplaşmasına qarşı keçirdiyi əməliyyat iki girovun həlak olması ilə nəticələnib. Bu barədə Ağ evin mətbuat xidmətinin yaydığı bəyanatda deyilir.
AZƏRTAC TASS informasiya agentliyinə istinadla xəbər verir ki, bəyanatda həlak olanlardan birinin ABŞ vətəndaşı Uorren Uaynstayn, digərinin isə İtaliya vətəndaşı Covanni Lo Porto olduğu qeyd edilir. Həmçinin ehtimallara görə, əməliyyat zamanı “Əl Qaidə”nin iki yüksək vəzifəli üzvünün – qruplaşmaya qoşulan ABŞ vətəndaşları Əhməd Fərrux və Ədəm Qədanın da öldürüldüyü bildirilir.
