"Real"ın hücumçusu Kriştiano Ronaldonun gələcək karyerasına aydınlıq gəlib.
ANS PRESS-in məlumatına görə, portuqaliyalı futbolçu müqaviləsinin sonuna qədər "Real"da qalacaq.
2018-ci ildə "kral klubu" ilə müqaviləsi başa çatacaq Ronaldo daha sonra Amerikaya üz tutacaq. 30 yaşlı futbolçu ABŞ-ın "Los Angeles Qalaksi" klubunda oynamağı planlaşdırır. Nyu-York və Mayami klublarından da təklif alan Ronaldo Los-Angelesdə yaşamaq qərarına gəlib.
Qeyd edək ki, "Liverpul"un canlı əfsanəsi Stiven Cerardın cari mövsümün sonunda "Los Angeles Qalaksi"yə transfer olunacağı gözlənilir. İngiltərə millisinin sabiq futbolçusu Devid Bekhem də 2007-2012-ci illərdə bu komandanın şərəfini qoruyub. Mənbə
ANS PRESS
