Play Store

​Rusiyada polislərə hücum edən azərbaycanlı saxlanılıb

​Rusiyada polislərə hücum edən azərbaycanlı saxlanılıb
06:57 24 Aprel 2015
76 Sosial
Ölkə mətbuatı
A- A+

Bakı. 24 aprel. REPORT.AZ/ 16 mart 2015-ci il tarixində Rusiyanın Krasnooktyabrsk rayonu ərazisində azərbaycanlıların iştirakı ilə insident baş verib.
"Report" "Volqa-Media"ya istinadən xəbər verir ki, yerli polis əməkdaşları cinayət işi ilə bağlı azərbaycanlı hadisə şahidini dindirməyə aparmaq üçün Poddubnoqo küçəsindəki mənzilə gəliblər.
Lakin hadisə şahidi olan oğlan polis əməkdaşlarını görüb səs-küy salmağa başlayıb. O polisə müqavimət göstərərək qaçmağa çalışıb. Səsə onun 53 yaşlı atası gəlib. Kişi oğlunu polislərin əlindən almaq üçün çalağanla asayiş keşikçilərinin üzərinə hücum edib.
"O, polis əməkdaşlarına yumruq-təpik atmağa başlayıb. Dava zamanı oğlan qaçmağa müvəffəq olub. Polislər onu tuta bilməyib geri qayıdıblar", - deyə Rusiya İstintaq Komitəsi İstintaq İdarəsinin Krasnooktyabrski üzrə İstintaq şöbəsinin böyük müstəntiqi Anton Kuzmin bildirib.
Hakimiyyət nümayəndələrinə hücum edən şəxs barəsində cinayət işi qaldırılıb. Bunu eşidən vətəndaş gizlənib və o, federal axtarışa verilib. Kişi ilk vaxtlar vilayət ərazisində gizlənib, lakin sonradan aranın sakitləşdiyini zənn edib Volqoqrada qayıdıb və burada saxlanılıb.
Həmyerlimiz aprelin 22-də istintaq şöbəsinə gətirilib. Cinayət işinin araşdırılması davam etdirilir.

Xəbərin orijinal ünvanı: http://report.az/hadise/rusiyada-polislere-hucum-eden-azerbaycanli-saxlanilib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR