Bakı. 24 aprel. REPORT.AZ/ ABŞ prezidenti Barak Obama 1915-ci ildə Osmanlı imperiyasında baş verən hadisələrin 100 illiyi ilə bağlı çıxışı zamanı "soyqırımı" sözündən istifadə etməyib.
"Report"un "Associated Press"ə istinadən verdiyi xəbərə görə, ABŞ prezidenti çıxışı zamanı qeyd edib ki, "1915-ci ildə erməni əhalisinin kütləvi qətlinin ildönümü tarixin qorunub saxlanması və ötənlərlə hesablaşmaq zərurətindən xəbər verir".
O, həmçinin bu barədə dəfələrlə danışdığını və 1915-ci il hadisələri ilə bağlı mövqeyinin dəyişmədiyini dilə gətirib.