Bakı, 24 aprel, AZƏRTAC
Dəmir yolunun Bakı-Xırdalan-Sumqayıt sərnişin sahəsində hazırda daha 1820 metr yolun təmirinə başlanılıb.
Bu barədə AZƏRTAC-a “Azərbaycan Dəmir Yolları” Qapalı Səhmdar Cəmiyyətinin mətbuat katibliyinin rəisi Nadir Əzməmmədov məlumat verib.
Nadir Əzməmmədov bildirib ki, artıq köhnə yolun söküntüsü başa çatmaq üzrədir.
Bakı-Xırdalan-Sumqayıt sərnişin sahəsində 63 kilometr uzunluğunda dəmir yolunun əsaslı təmir işlərinə martın 3-dən start verilib və bu günə kimi 25 kilometr yol əsaslı təmir olunub.