Azərbaycan, Bakı, 24 aprel /Trend, müxbir Elmira Tarıverdiyeva/
Bakı-2015 Birinci Avropa Oyunlarının keçirilməsinə heç nə kölgə sala bilməz.
Trend-in "Associated Press"ə istinadən verdiyi məlumata görə, bunu Bakı 2015-in əməliyyatlar üzrə baş direktoru Saymon Kleq bildirib.
O qeyd edib ki, Birinci Avropa Oyunlarına hazırlıq işləri vaxtında başa çatacaq.
S.Kleqin sözlərinə görə, vaxtında hazır olmaq üçün daha xeyli işlər görülməlidir.
O, yayımla bağlı Britaniyanın "BT Sport" telekanalı ilə razılaşma əldə olunduğunu bildirib.
Xatırladaq ki, Birinci Avropa Oyunları iyunun 12-dən 28-dək Bakıda keçiriləcək. Avropa Oyunları çərçivəsində yarışlar 16 olimpiya və 4 qeyri-olimpiya idman növləri üzrə təşkil olunacaq. Avropanın müxtəlif ölkələrindən Bakıya 6 mindən çox idmançı gələcək.
Məqalə müəllifi ilə əlaqə ünvanı: agency@trend.az
Bizi Twitter-dən izləyin: @trend_az
