Play Store

Bakının ən böyük kinoməkanında "Aşk olsun" filminin nümayişi başlanıb - FOTO

Bakının ən böyük kinoməkanında "Aşk olsun" filminin nümayişi başlanıb - FOTO
09:42 24 Aprel 2015
Ölkə mətbuatı
A- A+

Aprelin 23-dən etibarən Nizami Kino Mərkəzində Türkiyənin “Aşk olsun” və ABŞ, Kolumbiya və İspaniyanın birgə istehsalı olan “Qaranlıqdan” filmlərinin nümayişi başlanıb.

Rejissorlar Murat Serezli və Neslihan Yıldız Alaklının, Eşref Dinçerin ssenarisi əsasında çəkdikləri “Aşk olsun” romantik komediya filmi qadınlara “eşq doktorluğu” edən Ozanın həyat hekayəsindən bəhs edir. Onun yeni müştərisi Ceyda sevgilisi Canerle yenidən birləşmək üçün Ozandan yardım istəyir. Caner isə eşq acısını unutmaq üçün başqa qadınla yeni münasibətlər qurmağa çalışır. Hadisələrin cərəyan etdiyi vaxtda, təxmin belə etmədən, Ozan Pınarla qarşılaşır və ona aşiq olur. İşlərini də unutmayan Ozan, köhnə sevgililəri barışdırmaq üçün plan qurur. Onun planını başa düşən Pınar başlamaqda olan münasibətlərinə son qoyur. Görəsən, bu iki cütlüyün macərası xoşbəxt sonluqla bitəcəkmi?

Filmdəki obrazları İlker Aksum, Sedef Avcı, Kenan Ece, Selen Seyven və digər aktyorlar canlandırıblar. Yaş həddi :12+

Həmçinin, həmin gündən etibarən ABŞ, Kolumbiya və İspaniyanın bırgə istehsalı olan “Qaranlıqdan” filminin nümayişi başlanıb.

Xavyer Qulon və Pastor qardaşlarının ssenarisi əsasında rejissor Yuis Kilesin çəkdiyi bu film triller və dəhşət janrındadır. Filmin yaş məhdudiyyəti: 18+

Ailə biznesi ilə məşğul olmaq ücün qızları ilə birgə Kolumbiyaya köçən cütlük bir müddətdən sonra yeni evlərinin ruhlarla dolu olduğunu öyrənir...

Filmdəki rollara aktyorlar Frenk Kuervo, Piksi Deyvis, Alexandro Fert, Stiven Ri, Skott Spidman, Culiya Staylz, Vanesa Tamayo, Gilermo Morales Vitola və başqaları çəkiliblər.

Filmlər haqqında daha ətraflı məlumatı Nizami Kino Mərkəzinin facebook səhifəsindən öyrənə bilərsiniz. (https://www.facebook.com/NizamiCinema?rf=hl







Xəbərin orijinal ünvanı: http://news.milli.az/culture/336278.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR