[ 24 Aprel 2015 11:28 ]
Kürdəmir. Zahid Abışov – APA. Kürdəmir sakini həmyerlisini bıçaqlayıb.
APA-nın yerli bürosunun məlumatına görə, hadisə rayonun Qağacılı kəndində baş verib. Kənd sakini Zaur Muxtar oğlu Abdurahmanov aralarında şəxsi münasibətlər zəminində baş verən münaqişə zamanı öz həyətində həmkəndlisi Dəyanət Sakit oğlu Xəlilova bıçaqla xəsarət yetirib. Yaralı Kürdəmir Mərkəzi Rayon xəstəxanasına yerləşdirilib.
Hadisənin baş vermə səbəbi araşdırılır.
