Samux, 24 aprel, AZƏRTAC
İllərlə bərbad vəziyyətdə olan Samuxun Qovlarsarı-Qaraarx yolu Dövlət Proqramı çərçivəsində təmir edilir.
Yolun çəkilişini həyata keçirən 57 saylı Samux yol-istismar idarəsinin rəisi Zakir Quliyev AZƏRTAC-a deyib ki, 7 kilometr uzunluğunda olan yolun artıq 3 kilometrində hamarlama və bərkidilmə işləri başa çatdırılıb. Havalar əlverişli keçərsə, yolun iyun ayınadək istifadəyə verilməsi nəzərdə tutulub.