Ulduz futbolçu: "Heç vaxt məşqçi olmayacam"

Ulduz futbolçu: "Heç vaxt məşqçi olmayacam"
13:05 24 Aprel 2015
65 İdman
Ölkə mətbuatı
A- A+

“Əminəm ki, Zidan gec-tez Fransa yığmasını çalışdıracaq. Onun məşqçi kimi də böyük uğurlar qazanacağına inanıram”. Apasport.az saytı xəbər verir ki, bu sözləri yaxın keçmişin əfsanəvi futbolçusu Ronaldo deyib.
 
Sabiq komanda yoldaşı haqda danışan Braziliya yığmasının keçmiş hücumçusu müsbət fikirlər səsləndirib. Zidandan fərqli, Ronaldo məşqçi olmaq fikrində deyil: "Zidan futbolu dərk edir. Onda yaxşı məşqçi olmaq üçün bütün komponentlər cəmləşib. Ən əsası, bildiklərini başqalarına öyrətməyi bacarır. Bu, məşqçidə müsbət keyfiyyətlərdən biri deməkdir. O ki qaldı mənə, heç vaxt məşqçi olmayacam. Məşqçilik mənim üçün geriyə atılmış addım olar. Çünki məşqçilərin də gündəlik həyatı futbolçularınkı kimidir”.
 
Qeyd edək ki, karyerası ərzində “Barselona”, “İnter”, “Real” (Madrid) və “Milan” kimi klublarda çıxış etmiş Ronaldo futbolla 2011-ci ildə vidalaşıb.

Milli.Az


Xəbərin orijinal ünvanı: http://news.milli.az/sport/336352.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR