Bakı, 24 aprel, AZƏRTAC
Azərbaycan Texniki Universitetində (AzTU) Böyük Vətən müharibəsində Qələbənin 70 illiyinə həsr edilən tədbir keçirilib.
AZƏRTAC xəbər verir ki, professor və müəllimlərin, tələbələrin iştirak etdikləri tədbirdə AzTU-nun rektoru, professor Havar Məmmədov 1941-1945-ci il Böyük Vətən müharibəsinin dəhşətlərindən danışıb.
Rektor Qələbənin qazanılmasında Azərbaycan oğullarının da mühüm xidmətləri olduğunu vurğulayıb.
Tədbirdə çıxış edən veteranlar Qələbənin əldə olunmasında Bakı neftinin rolunu vurğulayıblar.
