Populyar amerikalı müğənni Britni Spirs ABŞ-ın Las-Veqas şəhərindəki "Planet Hollywood" otelində konsert turunu davam etdirir.
Milli.Az Daily Mail-ə istinadən bildirir ki, 33 yaşlı müğənni amerikalıların "Günahlar şəhəri" adlandırdıqları Las-Veqasdakı çıxışlarını uzun fasilədən sonra bərpa edib.
Spirsin Las-Veqasdakı konsertlər seriyası 2013-cü ilin dekabrın 27-də başlanıb. 50 konsertdən ibarət bu seriya üçün B.Spirsə 30 milyon dollar ödənib.
Müğənninin seriya ilə yanaşı, əlavə konsertlər verməsi sayəsində onun gəlirlərinin 46 milyon dollara çatacağı gözlənilir.
Britni Spirs oğulları - 8 yaşlı Ceyden və 10 yaşlı Şon ilə birlikdə mayın 17-də "Billboard Music Awards" mərasimində səhnəyə çıxaraq İqqi Azaliya ilə duet oxuyacaq.
Milli.Az