Çilidə “Bakı-2015” ilk Avropa Oyunlarının təqdimatı böyük maraqla qarşılanıb

Çilidə “Bakı-2015” ilk Avropa Oyunlarının təqdimatı böyük maraqla qarşılanıb
13:33 24 Aprel 2015
22 İdman
Ölkə mətbuatı
A- A+


Bakı, 24 aprel, AZƏRTAC
Çilinin paytaxtı Santyaqoda keçiriləcək güləş üzrə Panamerika çempionatından əvvəl Dünya Güləş Birliyi (DGB) Amerika Şurasının növbəti konqresi keçirilib.
AZƏRTAC xəbər verir ki, tədbirdə Azərbaycan Güləş Federasiyasının (AGF) birinci vitse-prezidenti, DGB-nin idarə heyətinin üzvü Namiq Əliyev və Federasiyanın baş katibi Əjdər Cəfərov da iştirak ediblər.
Şuraya üzv ölkə federasiyalarının rəhbərləri ilə yanaşı, DGB-nin idarə heyətinin üzvlərinin də qatıldıqları konqresdə çıxış edən beynəlxalq qurumun Amerika Şurasının prezidenti Fransisko Eduardo Lee Lopez gündəlikdə duran məsələlər barədə məlumat verib, tarixdə ilk dəfə Bakıda keçiriləcək ilk Avropa Oyunlarına xüsusi yer ayırıb. O, Azərbaycanın “Bakı-2015” ilk Avropa Oyunlarına hazırlıq işlərini yüksək qiymətləndirib.
Tədbirdə Azərbaycanın ilk Avropa Oyunlarına hazırlığından bəhs edən video və fotoslayd nümayiş etdirilib.
AGF-in birinci vitse-prezidenti Namiq Əliyev çıxışında ilk Avropa Oyunlarına hazırlıqla bağlı qısa müddətdə görülmüş işlər barədə konqres iştirakçılarına ətraflı məlumat verib. O, dövlətimizin başçısı, Milli Olimpiya Komitəsinin prezidenti İlham Əliyevin hazırlıq prosesini daim diqqət mərkəzində saxladığını bildirib. AGF rəsmisi qeyd edib ki, birinci Avropa Oyunlarının Təşkilat Komitəsinin sədri, Azərbaycanın birinci xanımı Mehriban Əliyevanın rəhbərliyi ilə “Bakı-2015”in nəinki avropalı, eləcə də bütün dünya idmansevərlərinin unudulmaz bayramına çevrilməsi üçün çoxlu sayda yerli və xarici mütəxəssis yüksək əzmkarlıqla çalışır.
Bildirilib ki, dünyada idman ölkəsi kimi tanınan Azərbaycanda hər il onlarla beynəlxalq səviyyəli idman yarışı təşkil olunur. İnanırıq ki, başlanmasına 50 gündən az vaxt qalan və ilk dəfə keçiriləcək Avropa Oyunları dünya idmanı tarixində layiqli yerini tutacaq. Azərbaycan dünya miqyaslı idman və digər tədbirlərin təşkili sahəsində zəngin təcrübəyə malikdir. Qazanılmış bu təcrübə birinci Avropa Oyunları zamanı bütün dünya ictimaiyyətinin diqqətini Azərbaycana, onun paytaxtı Bakıya cəlb edəcək. İyunun 12-28-də bütün idman dünyasının nəbzi məhz Bakıda döyünəcək. İdmanın 20 növü üzrə mübarizənin aparılacağı Oyunlarda güləş yarışları bizim üçün xüsusi əhəmiyyət kəsb edir. Çünki milli idman növü olan güləşin ölkəmizdə dərin tarixi kökləri var.
Daha sonra Azərbaycan Güləş Federasiyası tərəfindən konqres iştirakçıları üçün ziyafət təşkil olunub.
“Bakı-2015”in proqramına güləşin hər üç növü daxil edilib. İyunun 13-18-də Heydər Əliyev adına İdman Sarayında keçiriləcək yarışlarda ümumilikdə 24 çəki dərəcəsi üzrə mübarizə aparılacaq.
 


Xəbərin orijinal ünvanı: http://azertag.az/xeber/CHilide_Baki_2015_ilk_Avropa_Oyunlarinin_teqdimati_boyuk_maraqla_qarsilanib-849399

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR