Bakı, 24 aprel, AZƏRTAC
AZƏRTAC xarici KİV-lərə istinadla xəbər verir ki, ABŞ Transxəzər qaz kəmərinin tikintisini dəstəkləyir.
ABŞ-ın energetika naziri Ernest Morits bəyan edib ki, Birləşmiş Ştatlar Transxəzər qaz kəmərinin tikintisi layihəsinin həyata keçirilməsində Avropa İttifaqına tam dəstək göstərdiyini bildirir.
E.Morits deyib: “Biz Avropaya alternativ yanacaq mənbəyi kimi Xəzər qazının göndərilməsinin təmin edilməsi planlarını tam dəstəkləyirik. Avropa Komissiyası energetika təhlükəsizliyi sahəsində çox həssas etirazlarını bildirib. Bu etirazlar, həmçinin bazarların tənzimlənməsinə və Avropanın yanacaq təchizatının şaxələndirilməsinə aiddir.
Azərbaycan ilə Türkmənistanı birləşdirən Transxəzər qaz kəməri Türkmənistanın Xəzər dənizindən Avropaya qaz nəql edəcək “Cənub” qaz dəhlizinə qoşulması üçün lazımdır.