Bakı, 24 aprel, AZƏRTAC
İtaliyada “Əl-Qaidə” qruplaşması ilə əlaqədə şübhəli bilinən 18 nəfər saxlanılıb.
AZƏRTAC TASS informasiya agentliyinə istinadla xəbər verir ki, saxlanılan şəxslərdən bəziləri qruplaşmanin keçmiş başçısı Usamə Bin Ladenlə bilavasitə bağlı olub və “Əl-Qaidə”nin Pakistanda keçirdiyi əməliyyatların təşkilində iştirak ediblər. Onlardan ikisi hətta Usamə Bin Ladenin mühafizəsində də yer alıb.
Qruplaşmanın Sardiniya adasında yerləşən Olbiya şəhərində bazasının olduğu, şübhəlilərin isə İtaliyaya saxta sənədlərlə keçdikləri bildirilir.