Bakı, 24 aprel, AZƏRTAC
“Neft Daşları” yatağındakı 2150 nömrəli stasionar dəniz özülündən 2152 nömrəli quyu qazmadan sonra istismara verilib. Kompleks qazma işləri tresti tərəfindən qirməki üstü qumlu lay dəstəsinə qazılan quyu 1636-1625 metr intervaldan sutkalıq 11 ton neft hasilatı ilə istismar fonduna qəbul edilib.
Azərbaycan Respublikası Dövlət Neft Şirkətinin (SOCAR) mətbuat xidmətindən AZƏRTAC-a bildirilib ki, quyu “Neft Daşları” neft və qaz çıxarma idarəsinin sifarişi ilə qazılıb.