Ağacların arasından çıxan erkək fil yolla asta sürətlə hərəkət edən avtomobilə yaxınlaşıb. Sürücü qorxaraq maşının sürətini daha da azaldıb.
Avtomobilə çatan fil əvvəlcə qabaq pəncələrini maşının kapotuna qoyub, sonra maşını əzib.
Milli.Az Daily Mail-ə istinadən bildirir ki, olay Tailandın paytaxtı Banqkokun yaxınlığındakı Khao Yay Milli Parkında (Khao Yai National Park) baş verib.
Filin maşını əzməsi nəticəsində atvomobildə olanlar yaralanmayıblar.
Ekspertlərin dediklərinə görə, fillərin cütləşmə dövrü başladığından erkək filin aqressiv olması təəccüblü görünmür.
Milli.Az
