Bakı, 24 aprel, AZƏRTAC
Moldovanın paytaxtı Kişinyovda təşkil olunan futzal üzrə beynəlxalq turnirdə Azərbaycan milli komandası ikinci yeri tutub.
AFFA-dan AZƏRTAC-a bildiriblər ki, millimiz final oyununda Moldova yığması ilə qarşılaşıb. Qarşılaşma 1:1 hesabı ilə başa çatdığı üçün qalib penalti seriyasında müəyyənləşib. Futzalçılarımız 3 zərbədən heç birini dəqiq vura bilməyib. Moldova yığması penaltidən bir dəfə fərqlənməklə qələbə qazanıb.