Çanaqqala zəfərinin 100 illiyi ilə əlaqədar keçirilən mərasimdə Türk Şahinləri məhtəşəm şou göstərib.
ANS PRESS-in məlumatına görə, Çanaqqala Şəhidlərinin xarirəsinə ucaldılmış abidənin qarşısında keçirilən beynəlxalq anma mərasimi dənizdə gəmilərin keçidi və Türk Şahinlərinin şousu ilə başa çatıb.
Belə ki, hərbi gəmilər Çanaqqala boğazından keçib. Keçid əsnasında toplardan yaylım atəşi açılıb. Gəmilərin keçidinin ardından Türk Şahinləri səmada nəfəskəsən şouya imza atıblar. Təxminən 15 dəqiqəlik nümayişdə birlikdə və fərdi uçuşlar edən hərbi təyyarələrin bir-birindən təhlükəli hərəkətləri böyük bir ustalıqla etməsi ölkə liderlərinin də alqışına səbəb olub.
Həmin görüntüləri təqdim edirik:
MənbəANS PRESS
