Bakı, 25 aprel, AZƏRTAC
Aprelin 25-də Topaz Premyer Liqasında XXXI tura start veriləcək.
AZƏRTAC xəbər verir ki, ilk olaraq “Xəzər Lənkəran”-“Qəbələ” və “Sumqayıt”- “Simurq” qarşılaşmaları keçiriləcək.
Günün digər qarşılaşmasında isə “İnter” klubu 4 oyundu qələbəyə həsrət qalan AZAL-ı qəbul edəcək.
Turun ən maraqla gözlənilən oyunu isə əzəli rəqiblər – “Qarabağ” və “Neftçi” arasında keçiriləcək. Son oyunlarda ağdamlılara qalib gəlməkdə çətinlik çəkən paytaxt təmsilçisi bu uğursuzluğa son qoymaq niyyətindədir.