İran, Tehran, 25 aprel /Trend, müxbir Təmkin Cəfərov/
İranda yol-nəqliyyat hadisəsi nəticəsində yaralanmış 3 Azərbaycan vətəndaşı ölkəyə qayıdıb. Bunu bu gün Trend-ə Germi Şəhər Təcili Tibbi Yardım Xidmətindən bildiriblər.
Mərkəzdən bildiriblər ki, qəza cümə axşamı Ərdəbil əyalətinin Germi-Ərdəbil magistral yolunda baş verib. Qəzada 3 Azərbaycan vətəndaşı xəsarət alıb. Təcili Yardım Xidməti xəsarət almış şəxslərin kimliyini açıqlamayıb.
Qeyd edək ki, hadisə zamanı avtomobilin iranlı sürücüsü ağır xəsarət alıb və hazırda xəstəxanda müalicə olunur.
Məqalə müəllifi ilə əlaqə ünvanı: agency@trend.az
Bizi Twitter-dən izləyin: @trend_az
