Bakı. 25 aprel. REPORT.AZ/ Bakıda yol patrul xidmətinə məxsus BMW markalı maşın qəzaya uğrayıb. "Report" xəbər verir ki, hadisə səhər saatlarında Neftçilər prospektində, "Azadlıq" meydanının qarşısında baş verib.
Qəza zamanı yol-patrul xidmətində məxsus maşın qarşıda hərəkət edən "Toyota" markalı avtomobillə toqquşub. Hadisə yerinə yol patrul xidmətinə məxsus çoxlu sayda avtomobil və polis əməkdaşı cəlb edilib. Yol polisinə məxsus maşın evakuator vasitəsilə qısa zamanda hadisə yerindən aparılıb.
Qəza ilə bagli araşdirmalar aparılır.