Dünyanın ən məşhur aktrisalarından biri, Hollivud ulduzu Ancelina Coli dünən BMT-nin Təhlükəsizlik Şurasında çıxış edib.
BMT-nin sülhməramlı səfiri çıxışında dünya ölkələrini milyonlarla suriyalı qaçqına yardım üçün səylərini artırmağa çağırıb.
Milli.Az Daily Mail-ə istinadən bildirir ki, Ancelina Coli həm də BMT-nin Qaçqınlarla İş üzrə Ali Komissarının xüsusi nümayəndəsidir.
"Suriyadakı vəziyyət dünyanın günahsız insanları qoruya bilməməsinə bir daha sübutdur. Vəziyyətdən çıxış yolu tapmaq üçün Təhlükəsizlik Şurasının imkanlarından və səlahiyyətlərindən yetərincə istifadə olunmur. Çünki Şuranın üzvləri münaqişəli situasiyalarda necə fəaliyyət göstərməklə bağlı razılığa gələ bilmirlər", - Ancelina Coli bildirib.
Toplantıda Suriyanın BMT-dəki səfiri Bəhər Cəfəri A.Colinin çıxışını şərh edərkən ona sataşıb və deyib: "Onun nitqi barədə danışmaq istəmirəm. Bu qadın gözəldir".
BMT Təhlükəsizlik Şurasının toplantısına qatılan Colinin bu aksiyası sosial şəbəkələrdə qalmaqala səbəb olub. Çünki aktrisanın əynində alt paltarı yoxdu.
Milli.Az
Böyütmək üçün şəkillərə klikləyin
