Yevda Abramov: "Avropa Oyunlarına qarşı qarayaxma aparanlar Azərbaycanın inkişaf etməsini qısqananlardı"

Yevda Abramov: "Avropa Oyunlarına qarşı qarayaxma aparanlar Azərbaycanın inkişaf etməsini qısqananlardı"
10:05 25 Aprel 2015
25 Digər
Ölkə mətbuatı
A- A+

“Bu gün ilk Avropa Oyunlarına qarşı qarayaxma kampaniyası aparanlar Azərbaycanın beynəlxalq nüfuzunun artmasından, güclənməsindən və regionda aparıcı dövlət olmasından qısqanclıq keçirən qüvvələrdir”.

Bu barədə Trend-ə Milli Məclisin deputatı Yevda Abramov deyib.

Y.Abramov bildirib ki, Azərbaycanda həmişə belə böyük beynəlxalq tədbirlər keçiriləndə, bu qara qüvvələr öz çirkin əməllərinə başlayırlar:

“Onların məqsədi Azərbaycanı dünya ictimaiyyətinin gözündən salmaqdır. İlk Avropa Oyunlarına qarşı aparılan kampaniya da növbəti bu xarakterli addımlardan biridir. Ancaq onlar özlərini nahaq yerə yorurlar. “Eurovision-2012” mahnı müsabiqəsi ərəfəsində də belə bir qara təbliğat aparılmışdı, amma Azərbaycan bunların bu “fəaliyyət”ini heçə uğratdı və sübut etdi ki, qonaq qəbul etməyə, dünyanın ən mötəbər tədbirlərinə ev sahibliyi etməyə qadirdir və layiqdir”.

Y.Abramov Azərbaycanda olan anti-milli qüvvələrin də bu kampaniyaya dəstək verməsindən təəssüfləndiyini bildirib: “Ölkəmizin dünyada nüfuzunu xeyli artıracaq bu Oyunların keçirilməsinə hər bir Azərbaycan vətəndaşı sevinir, amma əfsuslar olsun ki, aramızda öz şəxsi maraqlarını hər şeydən üstün tutan insanlar da var”.

İlk Avropa Oyunlarının Azərbaycana gətirəcəyi faydalardan danışan Y.Abramov bildirib ki, ilk növbədə, bu, Azərbaycanı dünyaya daha yaxşı tanıtdırmaq üçün ən gözəl vasitələrdən biridir: “Bu Oyunlar keçirilən zaman bütün dünyanın diqqəti Azərbaycana yönələcək, hamı Azərbaycanın necə təhlükəsiz, humanist və qonaqpərvər olduğunu görəcək ki, bu da ölkəmizə inamı artıracaq, ölkəmizin dünyada nüfuzunu daha da gücləndirəcək, ölkəmizə turist axınını, investisiya qoyuluşunu artıracaq”.

Milli.Az


Xəbərin orijinal ünvanı: http://news.milli.az/politics/336542.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR