“Ağ Canavar” ləqəbli kikboksçumuz Eduard Məmmədov UFC döyüşçüsü Həbib Nurməhəmmədovla sabiq peşəkar boksçu Floyd Meyvezer arasında rinqdə görüşün olacağına inanmır.
Metbuat.az xəbər verir ki, o, bu barədə oxu.az-a danışıb:
“Konor Makqreqorla Floyd Meyvezer arasında da döyüş olub, lakin, o, bir şou idi. Həbiblə Meyvezer arasında belə, şou xarakterli döyüşün olmasına inanmıram. Əgər döyüş olsa, kimin qalib gələcəyini düşünürəm? Əlbəttə ki, Meyvezerin. Həbibin rinqdə heç bir şansı yoxdur!”
Eduard Məmmədov onu da bildirib ki, Konor Makqreqorun döyüş üslubu onunkuna yaxındır:
“Həbib müsəlman olduğu üçün onun qalib gəlməsini istəyirdim. Ancaq Konorun döyüş üslubu mənə yaxın olduğundan, ona simpatiyam var”.
Günün qoroskopu - Ailə üzvləriniz və qohumlarınız məsləhətlərinizi dinləsinlər - Oxumaq üçün tıkla
