Məşhurların villaları viran qaldı: 66 nəfər həlak olub - FOTO

Məşhurların villaları viran qaldı:  66 nəfər həlak olub - FOTO
11:05 16 Noyabr 2018
186 Dünya
Ölkə mətbuatı
A- A+

ABŞ-ın Kaliforniya ştatında meşə yanğınlarından həlak olanların sayı artır.

Ştatın şimalında 8 yanmış cəsəd aşkarlanıb.

Milli.Az ABC-yə istinadən bildirir ki, beləliklə, yanğında həlak olanların sayı 66 nəfərə çatıb.

Ştata ABŞ Milli Qvardiyasının hərbçiləri yeridilib. Onlar yanğının zərər vurduğu yaşayış məntəqələrini yoxlayacaq, itkin düşmüş şəxsləri arayacaqlar. Yüzlərlə insanın taleyi hələ də bəlli deyil. Onların əksəriyyəti 65 yaşdan yuxarı olan insanlardır.

Alovlar minlərlə binanı məhv edib. Hazırda 55 min hektardan artıq ərazi yanır. Alovları gücləndirən külək səngisə də, yanğınsöndürənlər, sadəcə, yanğınların 1/3 hissəsinin qarşısını ala biliblər.

Kaliforniya ştatındakı Malibu şəhərində dünyaca məşhur müğənnilər, aktyorlar, sənətçilərin villaları arasında viranə qalan lüks malikanələr az deyil.

Aktyorlar Entoni Hopkins və Pirs Brosnanın villaları salamat qalsa da, Mayli Sayrus, Robin Tik, Nil Yanq, Kamill Qrammer, Cerard Batler və Kim Beysinqerin villaları yanıb kül olub.

Məhv olmuş Peradays şəhərindəki yanğında 49 nəfər həlak olub.

Milli.Az


Xəbərin orijinal ünvanı: https://news.milli.az/world/704281.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR