"Neftin qiymətində süni şəkildə problem yaradanlar ölkələr öz qərarlarından peşman olacaq". ANS PRESS-in məlumatına görə, bunu İran prezidenti Həsən Ruhani deyib.
O, deyib ki, neft istehsal edən Səudiyyə Ərəbistanı, Küveyt kimi ölkələr də qiymətlərin ucuzlaşmasından İrandan daha çox ziyan görəcəklər.
Xatırladaq ki, neftin qiyməti yay aylarından başlayaraq dmeək olar ki, 50 faiz düşüb. Analitiklər bu ucuzlaşmanı bazarda xammal bolluğu ilə izah edirlər. OPEK noyabrın 27-dı toplaşsa da neft istehsalını gündə 30 milyon barel həcmində saxlayıb.
Dünya bazarında neftin qiyməti bir az da ucuzlaşıb. ANS PRESS-in məlumatına görə, WTI neftinin bir barreli 72 sent düşərək 45,35 dollar təşkil edib.
Brent markalı neftin bir barreli isə 92 sent ucuzlaşaraq 46, 51 dollar olub. Brent markalı neftin qiyməti 48 dollardan aşağı həddə 2009-cu ildən bu yana ilk dəfədir ki düşür.
