Moskva. Fərid Əkbərov - APA. Rusiya-Ukrayna sərhədini qanunsuz keçmək istəyən iki Azərbaycan vətəndaşı saxlanılıb.
APA-nın Rusiya bürosu xəbər verir ki, adları açıqlanmayan Azərbaycan vətəndaşları Rusiya-Ukrayna sərhədini nəzarət-buraxılış məntəqəsindən kənarda keçmək istəyib.
Hadisə Rusiyanın Belqorod vilayətində, Ukrayna ilə sərhəddə yerləşən Şetinkova kəndi yaxınlığında baş verib. Azərbaycanlılar nəzarət-buraxılış məntəqəsindən kənar ərazidə sərhədi keçmək istəyərkən yaxalanıblar.
Araşdırma zamanı ortaya çıxıb ki, hər iki Azərbaycan vətəndaşının Rusiyaya girişi daha əvvəl qadağan olunub.