Fransa prezidenti Emmanuel Makron "Sarı jiletlilər"in genişmiqyaslı aksiyaları zamanı törədilmiş zorakılıqları qətiyyətlə pisləyib.
Milli.Az European-a istinadən bildirir ki, o, xalqa müraciətində belə deyib.
"Xalqın səmimi narazılığından yararlanmağa çalışan opportunistlərin oyunlarını gördük. Respublikanı çökdürmək və anarxiya yaratmaq istəyən siyasətçiləri də gördük", - Makron söyləyib.
Fransa prezidenti daha sonra bildirib ki, Fransada minlərlə insan etiraz aksiyaları üçün küçələrə çıxsalar da, bu aksiyaların səbəbi vergilər yox, qlobal məsələlərdir.
Daha sonra Makron deyib ki, 2019-cu ildən etibarən ölkədə minimal əməkhaqqı 100 avro artırılacaq. Fransa prezidentinin təklif etdiyi digər tədbirlər arasında müəssisələrin əməkdaşlarına illik bonuslar ödəməsi, ayda 2 min avrodan az təqaüd alan təqaüdçülərin məcburi sosial sığortalanmasına məcburi ödənişlərin ləğvi, vergilərin azaldılması da var.
Milli.Az
Videonu izləmək üçün şəklə klikləyin:
