Ermənistanda ac qalan insanların dəhşətli dramı üzə
çıxıb. Bu, həm də dolayısı ilə erməni ordusundakı vəziyyəti də ifşa
edib.
Publika.az xəbər verir ki, bir qadın ac qalan uşaqlarını
doyurmaq üçün 10 min dram (59 dollar) oğurlayıb. Ananın oğlu
Ermənistan ordusunda xidmət edir.
“Lragir” saytı yazır ki, hərbi qulluqçular bir ay sonra tərxis
olunacaq əsgər yoldaşlarının anasının həbsi ilə bağlı Nikol
Paşinyana müraciət ediblər. Onlar qeyd ediblər ki, yoldaşlarının
anasının olmadığı evə qayıtmasını istəmirlər. Ailənin yaşadığı ev
də kirayədir. Hərbçilərin açıq məktub ünvanlaması Ermənistan
ordusundakı vəziyyəti də aşkara çıxarıb.
Sayt yazır ki, hərbi qulluqçuların açıq məktubu ictimai rakursda
Ermənistan üçün yeni hadisədir: “Uzun illər ordu “zon"a çevrilmişdi
və oğru qanunları ilə idarə olunurdu. Hakimiyyətə hansısa məktub
ünvanlamaq, məsələni hüquqi yolla həll etmək qəbahət sayılırdı.
Orduda “zon”dakı kimi bütün məsələlər haqqında qərarı onu idarə
edən verir. İndi yazılan açıq məktub vəziyyətin az da olsa
dəyişdiyinə ümid yaradır”.
Sayt qeyd edir ki, belə bir ordu ilə müharibədə heç vaxt qalib
gəlmək mümkün deyil.
Asif