Türk Kinosunun 104 illiyi münasibətiylə keçirilən mükafatlandırma mərasimində çıxış edən Cüneyt Arkın hər kəsi duyğulandırıb.
Publika.az xəbər verir ki, 81 yaşlı əfsanəvi kino ulduzu vəfat edən həmkarlarını yada salıb: "Hər filmdə döydüyüm işçilər vardı. Mənsiz film çəkilirdi, onlarsız çəkilmirdi. Nə çox insan itirmişik. Əzrail məni unutdu".
Cüneyt Arkının həyat yoldaşı ilə iştirak etdiyi tədbirdə Ediz Hun (78), Engin Çağlar (78), Sərdar Gökhan (72) və Süleyman Turan (82) bir araya gələrək fotoqraflara poza verib.
