Gürcüstanda azərbaycanlıların yaşadığı bölgənin sabiq qubernatoru istintaqa cəlb olunub

Gürcüstanda azərbaycanlıların yaşadığı bölgənin sabiq qubernatoru istintaqa cəlb olunub
14:22 17 Dekabr 2018
27 Ölkə
Ölkə mətbuatı
A- A+

Gürcüstanda azərbaycanlıların yaşadığı Kvemo Kartli (Borçalı) bölgəsinin keçmiş qubernatoru David Kirkitadze istintaqa cəlb olunub.

Milli.Az report-a istinadən xəbər verir ki, D.Kirkitadze polis əməkdaşlarına qarşı zorakılıqda ittiham olunur.

Hüquq-mühafizə orqanlarının əməkdaşları sabiq quberantorun yaşadığı binanın qarşısında toplaşsa da, o, vəkili gəlməyənə qədər qapını açmaqdan imtina edib. D.Kirkitadze özünün polis məntəqəsinə gedəcəyini bildirib.

Gürcüstan Daxili İşlər Nazirliyindən bildirilib ki, D.Kirkitadze zorakılıq tətbiq etməklə polisə tabe olmama maddəsi ilə araşdırılan iş üzrə istintaqa cəlb olunub.

Qeyd edək ki, D.Kirkitadze 2008-2013-cü illərdə Kvemo Kartlinin qubernatoru olub. O, müxalif "Güc birlikdədir" birliyi və Vahid Milli Hərəkat Partiyasının liderlərindən biridir. Ötən gün Gürcüstan prezidenti Salome Zurabişvilinin inauquraiya mərasiminin keçirildiyi Telavi şəhərinə yollanan müxalifətçilərlə polis arasında qarşıdurma baş verib. Nəticədə 10-a yaxın polis əməkdaşı xəsarət alıb.  

Milli.Az


Xəbərin orijinal ünvanı: https://news.milli.az/incedent/713239.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR