Son günlər saray qaydalarının əksinə hərəkət etməsi ilə tez-tez gündəmə gələn Şahzadə Harrinin həyat yoldaşı Meqan Markl yenidən gərginliyə səbəb olub.
Publika.az xəbər verir ki, bu dəfə o, Harrinin ova getməsinə mane olub.
Belə ki, Kral ailəsində ov məclisi şahzadələr uşaq olandan bəri təşkil edilir. Hər il də onlar birlikdə ova qatılır.
Lakin bu ilin may ayında M.Marklla evlənən Harrinin ov məclisinə qatılmayacağı bildirilir.
İddialara görə, M.Markl saraya gələndən sonra Harri çox dəyişib. Hətta bu dəyişiklik onun qardaşı ilə münasibətlərini pisləşdirib. Harrinin ov məclisinə qatılmamasının onlar arasında münasibəti daha da gərginləşdirəcəyi bildirilir.
