Əməkdar artist Cavanşir Məmmədov mərhum klarnet ifaçısı Zahid Sabirabadlı barədə danışıb.
Milli.Az ölkə.az-a istinadən bildirir ki , "Hər şey daxil" verilişində qonaq olan müğənni məşhur musiqiçiylə bir neçə il işlədiyini bildirib. Əməkdar artist musiqiçiylə bağlı danışarkən göz yaşlarını saxlaya bilməyib:
"Zahid başqa oğul idi. Yeddi il birlikdə çalışmışıq, hətta oğlumun toyunun da onun rəhbərlik etdiyi ansambl idarə edib. Dəfələrlə müxtəlif ölkələrdə olmuşduq. Hətta onun ifa etdiyi ağ klarneti Zahidə mən hədiyyə etmişdim".
C.Məmmədov verilişin aparıcısı-prodüser Tolikin sualından sonra Z.Sabirabadlıya hədiyyə etdiyi klarnetin qiymətini açıqlayıb:
"Həmin klarneti 2001-ci ildə Türkiyədən indiki pulla 12 min manata almışdım. Çox böyük musiqiçimizi itirmişik. Allah rəhmət eləsin".
Qeyd edək ki, Z.Sabirabadlı ötən gün 46 yaşında vəfat edib.
Milli.Az