Dekabrın 19-da Xızıda yük avtomobilinin qəzaya uğraması Bakı-Quba-Rusiya Federasiyası dövlət sərhədi avtomobil yolunda avtomobillərin hərəkətinin müvəqqəti məhdudlaşdırılmasına səbəb olub.
Metbuat.az xəbər verir ki, paytaxtdan Quba istiqamətində hərəkətdə olan və xurma ilə yüklənmiş nəqliyyat vasitəsi rayonunun Yaşma kəndi ərazisində aşıb. Qəza səbəbindən axşam saatlarında həm Bakı, həm də əks istiqamətdə yolda bir neçə kilometrlik tıxac yaranıb.
Hadisə şahidlərinin bildirdiklərinə görə, qəza yolun təmir olunan hissəsində baş verdiyindən avtomobillərin hərəkətini tənzimləmək daha da çətinləşib.
Qəzanın baş verdiyi əraziyə cəlb olunan Dövlət Yol Polisi əməkdaşlarının müdaxiləsindən sonra bir neçə saat ərzində yolda avtomobillərin normal hərəkəti təmin edilib. //AzərTac
Universitet tələbəsi 1 gün sonra BU HALDA TAPILDI - Oxumaq üçün tıkla
