İlham Əliyev parkda (FOTO)

İlham Əliyev parkda (FOTO)
23:36 13 Yanvar 2015
231 Ölkə
Ölkə mətbuatı
A- A+

Prezident İlham Əliyev Sumqayıta səfəri çərçivəsində Nəsimi adına şəhər mədəniyyət və istirahət parkında aparılan yenidənqurma işləri ilə tanış olub.

ANS PRESS-in məlumatına görə, dövlət başçısına parkda görülən abadlıq-quruculuq işləri barədə məlumat verilib. Bildirilib ki, “Şəhidlər xiyabanı”nın yaxınlığındakı 10 hektarlıq ərazidə geniş abadlıq işləri aparılıb. Burada 10 metr hündürlüyündə “20 Yanvar” abidəsi ucaldılıb.

Parkda Xocalı soyqırımı qurbanlarının xatirəsinə də abidə qoyulub. Qranit abidə kompleksi soyqırımı qurbanlarının heç zaman unudulmadığını, onların daim xalqımızın qəlbində yaşadığını göstərir.

Qeyd edildi ki, şəhər sakinlərinin mənalı istirahəti və asudə vaxtlarının səmərəli təşkili üçün salınan parkda ardıcıl olaraq yenidənqurma və tikinti-quraşdırma işləri aparılır. Yenidənqurma işləri zamanı milli memarlıq üslubu ilə müasirlik tam uzlaşdırılıb, maraqlı elementlər və formalardan istifadə edilib. Ərazidə çoxlu ağac və dekorativ gül kolları əkilib, yaşıllıq salınıb. Park müasir işıqlandırma sistemi ilə təchiz edilib.

Prezident İlham Əliyev Nəsimi parkının digər hissələrində aparılan abadlıq-quruculuq işləri ilə də tanış oldu. Sumqayıtın əsas magistral yolu olan Səməd Vurğun küçəsindən başlayaraq Xəzər dənizinin sahilinədək uzanan parkın ümumi sahəsi hazırda 80 hektardır. Nazirlər Kabinetinin qərarına əsasən, 2001-ci ildən Nəsimi adına şəhər mədəniyyət və istirahət parkı ölkə əhəmiyyətli tarix və mədəniyyət abidələri siyahısına daxil edilib.

Prezident İlham Əliyev Nəsimi parkında yeni inşa olunan “Yaşıl teatr”da yaradılan şəraitlə də tanış oldu.

Bildirildi ki, həm respublika, həm də şəhər səviyyəli mədəni-kütləvi tədbirlərin keçirilməsi məqsədilə tikilən, 350 tamaşaçı yeri olan bu teatr ən müasir standartlar səviyyəsindədir. Ümumi sahəsi min kvadratmetrə yaxın olan “Yaşıl teatr”da ən son texnologiyaya əsaslanan səs və işıq sistemləri qurulub.





























RƏYLƏR

BU KATEQORİYADAN DİGƏR XƏBƏRLƏR