Britaniyanın baş naziri messencerlərə qadağa qoyulacağını istisna etmir

Britaniyanın baş naziri messencerlərə qadağa qoyulacağını istisna etmir
09:41 14 Yanvar 2015
Ölkə mətbuatı
A- A+

Böyük Britaniyanın baş naziri Devid Kemeron deyib  ki, messencer yaradıcıları müştərilər haqda məlumat ötürməkdən və onların yazışmasını xüsusi xidmət orqanlarına verməkdən imtina etsələr, onda bu kimi tətbiqlərə qadağa qoyulacaq. Bu haqda “The Independent” qəzeti yazıb.
 
"ICTnews" elektron xəbər xidməti “lookatme.ru” saytına istinadən bildirir ki, Nottinqemdə çıxış edən Kemeron bildirib ki, o, yenidən baş nazir seçildiyi halda messencer yaradıcıları müştərilərin yazışmasını Daxili İşlər Nazirliyi və başqa hüquq-mühafizə orqanlarına verməsə, o zaman bu kimi tətbiqlərin işinə qadağa qoyacaq.
 
Bu halda Kemeron deyib ki, yalnız zəruri halda və yalnız daxili işlər naziri tərəfindən imzalanmış müvafiq order olduğu halda informasiyanın ötürülməsi haqda sorğu hazırlanacaq.
 
Beləliklə, Devid Kemeron yenidən baş nazir seçilsə, Böyük Britaniya ərazisində “WhatsApp”, “iMessage”, “Snapchat” və başqa messencerlər qadağan oluna bilər.
 
Emil Hüseynov

 
 
 

RƏYLƏR

BU KATEQORİYADAN DİGƏR XƏBƏRLƏR