“Qalatasaray” 2018-2019-cu il mövsümünün ikinci hissəsinə hazırlıq çərçivəsində Almaniyanın “Leypsiq” komandası ilə yoldaşlıq oyunu keçirib.
Publika.az xəbər verir ki, Almaniyada keçirilən oyun 1:1 hesabı ilə başa çatıb. 12 min tamaşaçının izlədiyi görüşdə hesabı 34-cü dəqiqədə “Leypsiq”in oyunçusu Yussuf Poulsen açıb. İkinci hissənin 55-ci dəqiqəsində İstanbul komandasının futbolçusu Martin Linnes hesaba tarazlıq gətirib.
Fateh Terimin yetirmələri bu il ilk rəsmi matçını yanvarın 15-də Türkiyə kuboku uğrunda oyunda “Boluspor”a qarşı keçirəcək.
Xatırladaq ki, “Qalatasaray” klubu Braziliyanın “Atletiko Paranaense” komandasından müdafiəçi Markos Nasimento Teyşeyranı və müdafiəçi Emre Taşdemiri transfer edərək heyətini gücləndirib.
